vivo

Kutime la kato grimpas sur lavmaŝinon per apuda faldebla ŝtupetaro, malgraŭ ke ŝi povas facile salti tien. Ŝi tenas ŝtupetojn surprize hommaniere. Nu, se ŝtupetaroj estis tiom grandaj por homoj.

#lang_eo #vivo #katoj

Fojfoje mi vidas en Federujo esperantiston, kiu petas lingvajn korektojn en sia prio, sed malofte vidas ĝin misuzi la lingvon tiel, ke korekto estus necesa.

Alifoje mi vidas en Federujo esperantiston, kiu elbuŝigas (elfingrigas) esprimon tiom abomenan, ke mi sentas devon korekti ĝin, sed mi ne faras, ĉar ĝi ne petis korektojn en sia prio, kaj nepetitaj korektoj povas impresi malĝentile.

Samideanoj, lingvo estas granda donaco; bonvolu trakti ĝin zorge kaj respondece.

#lang_eo #Esperanto #gramatiko #Federujo #vivo #vortoj

Hodiaŭ mi faris patkukojn kun spinaco, plasto, kaj salviaj semoj. Ili estis bongustaj, sed mi aldonis iom tro da salo kaj plasto. La pasto ankaŭ iom tro gluiĝis al la pato kaj ŝiriĝis. Eble la pasto estis iom tro flua, aŭ eble mi ne enmiksis la farunon sufiĉe bone. Sekvafoje mi provos fari pli bone!

Dankon, ke mi travivis hodiaŭon en sano. Dankon, ke mi havas amikojn, al kiuj mi povas turniĝi okaze de bezono.

#lang_eo #danklibro #fotoj #kuirarto #kuirado #patkukoj #taglibro #vivo

Mi bezonas novan banujon, ĉar la malnova havas fendojn. Bonege 😑

#lang_eo #vivo

Meti okulgutojn al si mem estas nefacile. Mi maltrafas la okulon eble ĉiun duan provon.

#lang_eo #okulgutoj #okuloj #vivo

Kun somero venas armeo de malamikoj de homaro. Amasoj da muŝoj kaj kuloj, pretaj disporti malsanojn kaj suĉi nian sangon. Ĉu ni havas ŝancon kontraŭ tiuj senfinaj kontraŭuloj?

Dankinde, ni ne estas solaj. Printempo ne nur plimultigas la maliculojn, sed ankaŭ portas novan generacion de herooj, kiuj staros ĉe nia flanko en tiu ĉi eterna batalo.

Bonvenu, amikoj, en la mondon, kaj dankon pro via helpo!

#lang_eo #araneoj #bestoj #fotoj #vivo

Hieraŭ mi provis baki panon »pita«. Mi interrete trovis kaj uzis relative simplan recepton. La rezulto estis… ne simila al pano »pita«. Ĝi estis… plata bakita pasto kun iomete amara gusto kaj tre dubiga kohereco. Mi ne certas, kion mi faris malĝuste; eble mi devas pli atente esplori pli da receptoj, por trovi, kion oni vere bezonas atenti, farante tian panon.

Mi ankaŭ manĝis olivojn plenigitajn de akraj kapsiketoj, kaj mi gustumis (ĉi-foje efektivan) dubajan ĉokoladon, kiun mi akiris en granda rabato (ĉar ordinare ĝi estas trokosta). Nu, manĝis, vere, ĉar ĝi ja estis bongusta.

Nokte doloris al mi stomako. Mi scivolas kial. Ĝi estas mistero. Ĉiuokaze, mi manĝas pli modere hodiaŭ.

#lang_eo #kuirado #taglibro #vivo

Mirinde facilas al mi plori, freŝmonate.

… sentiĝas iom strange! Dum jaroj, mi neniam ploris eĉ malgaja; sed nun? Mi ploras eĉ pro ĝojo!
#lang_eo #vivo

Mi sonĝis, ke dum iom longa tempo malfacilis al mi spiri, kaj mi timis sufokiĝon pro tio!

… mi vekiĝis kun mia vizaĝo sur kuseno, blokante nazon.
#lang_eo #vivo #dormo

Semajnfine mi ĝuis filman vesperon, kaj kompreneble devis preni akordan manĝaĵon! Do mi faris krevmaizon, varmigis kolaon, kaj prenis kringojn en ĉokolado. :gutkato_malsata_manĝilaro:

Ĉu ili estis tre bongustaj? Jes ja!

Ĉu mi prenis tro da sukero kaj kafeino tiutage, longe ne povis ekdormi, kaj fartis iom malbone dum la sekvinta tago? Jes ja.

Memoru ĉiam manĝi sukeraĵojn nur modere! Se vi ne mortos hodiaŭ, vi povos refoje manĝi ilin modere morgaŭ.

#lang_eo #fotoj #kinofilmoj #kuirado #manĝaĵoj #vivo

Vivo tre bonas, ĝuste nun. Bongusta kafeinaĵo, plaĉa programado, kaj nenio farenda.
Ne revenu, lundo! >w<
#lang_eo #vivo

Mi ĝuste nun vizitas kafejon, kiun mi lastafoje vizitis antaŭ ~3 jaroj!

Mi tiufoje vizitis pro penado esti pli sociume kuraĝa kaj kutimiĝi je interagado kun nekonatoj. Mia koro batbatis, mendante la kafon; miaj kruroj estis tremantaj, kaj sidiĝinte mi estis tre malkomforta, volante morti. Eĉ penante komputilumo, miaj manoj tremis kaj mi ne povis fokusiĝi!

Sed ĝuste nun? Paco. Trankvilo. La koro enordas, kaj ankaŭ la cetero! Huraaa!

Mi nun apenaŭ socie timemas! Nun mi sole sociume malgracias.

#lang_eo #vivo #kafo #sociuma_timemo

Hodiaŭ mi sentas min iom mise, korpe. :gutkato_neŭtrala:

SED!!! Mense mi estas en ordo! Do ĉio bonas! Ĉar korpaj problemoj havas facilan solvon! Sufiĉas…

Trinki akvon! Akvonn!! Akvonnnn!!!!!!

#lang_eo #akvo #sano #vivo

Se mi forgesus ĉiom de mia pasinteco kaj ĉiom de miaj konataj personoj, kaj eble ankaŭ min mem, mi scivolas, kia persono mi iĝus, kaj kia mia vivo estus.

#lang_eo #pensoj #vivo

Jen mia nova blogafiŝo: Nostalgia stomakdoloro. Tie mi cerbumas pri malagrablaj (tamen ne tre seriozaj) malsanoj kaj iliaj agrablaj facoj. Kaj ankaŭ iom pri la (malnova) interreto kaj iuj ĝiaj agrablaj facoj.

Verŝajne enestas iuj mistajpoj, ĉar mi nek kontrolis literumadon, nek atente provlegis. Ne tre gravas, ĉar estas blogafiŝo, ne artaĵo. Sed se iu atentigos min, mi volonte korektos.

Ĝi ankaŭ enhavas defion al @jadedctrl. Ĉu vi sufiĉe kuraĝas levi ĝin? Hm? Hmm?

#lang_eo #blogo #blogafiŝoj #defioj #malsano #vivo #vivostilo

Mi sentas min kiel sorĉistino forta ĝuste nun!
La ĉefo invitis min helpi programistojn kiuj luktis kun problemo dum du semajnoj… kaj mi solvis ĝin dum du horoj
#lang_eo #vivo #programado

Mi bruligis min! Mojose! Nun mi rajtas surporti Beletsanigan bendon!
#lang_eo #vivo #beletsanigo #animeo

Ŝajnas, ke »Re:Zero« havas novan serion. Mi verŝajne spektos ĝin. La antaŭa estis sufiĉe amuza. Kaj ĉi tiu ŝajnas, ke ĝi povus ankaŭ esti.

Ŝajnas, ke ankaŭ »Klasĉambro de elitaj« havas novan serion. Mi eble ne spektos ĝin. La antaŭaj iĝis iom post iom pli kaj pli enuigaj. Sole la unua vere plaĉis al mi.

Ho, kaj ŝajnas, ke la dua serio de »Friren« jam finiĝis. Mi verŝajne spektos ĝin iam. Mi ne tre scivolas pri ĝi, sed ĝi verŝajne plaĉos al mi.

Ĉu vin ekscitis iu nova (aŭ nove daŭrigita) animeo freŝtempe?

#lang_eo #animeo #filmoj #vivo

… kial mi dormemas? Estas nur la 14-a, kaj mi trinkis jam du energiigajn trinkaĵojn! :taneŝima_ploras_lageton:
#lang_eo #vivo

Hieraŭ, post longa tempo, mi faris macon. Mi manĝis du pecojn kun ŝinko kaj fromaĝo, ne kontraŭkutime, sed nove mi provis manĝi trian pecon kun mielo.

Ĝi estis bongusta, sed mi manĝis tro neatente, kaj malpurigis mian ĉemizon. :gutkato_ĝengrimacas:

#lang_eo #manĝaĵoj #vivo

Mi iom kulposentas, ke mi ĉefe atentas unu aŭ du pluŝbestojn, kaj ne la aliajn… miajn pluŝbestojn mi traktu plibone! Mi »bonan-noktos« ilin ĉiujn, ekde nun!
#vivo #lang_eo #pluŝbestoj

Ni prenis »silkan firman« sojkazeon, ĉar mi pensis, ke eble ĝi konvenus por salato, kian mi kutime faras. Malferminte la pakon mi trovis, ke ĝi ne konvenas, kaj devis eluzi ĝin alimaniere.

Ĉar mi scias, ke el silka sojkazeo oni fojfoje faras kremojn kaj ŝmiraĵojn, mi decidis fari deserton el ĝi. Mi dispremis duonon de la bloko per forko, kaj aldonis kakaon, sukeron, kaj cinamon.

Jen la rezulto! Ĉu ĝi estis bongusta? Ne! Ĝi estis manĝebla, sed nek agrabla, nek interesa. Iom dolĉa, iom amara, kaj plejparte sengusta. Eble mi devis fari ion salan el ĝi… aŭ eble siropo estus pli bona dolĉigaĵo? Ĉiuokaze, malsukceso estas grava parto de lernado! Do jen, mi fiere prezentas mian malsukceson al vi! (Sed fine mi ĝi ja estis manĝebla, do ĉu vere temis pri malsukceso?)

#lang_eo #kuirado #sojkazeo #vivo

Sukceso estas la plej bona sanigilo kontraŭ manko de sukceso.

#lang_eo #sentencoj #vivo

Hieraŭ mi faris salaton el pastaĵo, sojkazeo, kaj legomoj. Hejme mi ordinare aĉetas sojkazeon jam marinitan, sed tian mi ne trovis tie ĉi, kaj do (post multaj jaroj) provis marini ĝin mi mem.

Mi uzis napan oleon kun iom da salo, akra saŭco, multa kare-pulvoro, pipro, iom da papriko, kaj iom da mielo. La rezulto estas iom tro spica kaj akra por mia lango, sed sufiĉe bongusta!

… kaj mi ĵus rememoris, ke ni ankaŭ havas sojsaŭcon, pri kiu mi forgesis. Mi pensas, ke se mi uzus tiun, ĝi estus pli bongusta. Eble sekvafoje do!

#lang_eo #kuirado #manĝaĵoj #vivo