sorleymaclean

18h

Chan fhaca mi Lannes aig Ratasbon
no MacGillFhinnein aig Allt Èire
no Gill-Ìosa aig Cùil Lodair,
ach chunnaic mi Sasannach san Èipheit…

—Somhairle MacGill-Eain (Sorley MacLean) (1911–1996), “Curaidhean” (“Heroes”)

https://asls.org.uk/publications/books/volumes/from_the_line/

#Scottish #literature #Gaidhlig #Gaelic #poem #poetry #warpoem #warpoetry #WW2 #SorleyMaclean #RemembranceDay

Curaidhean
Somhairle MacGill-Eain

Chan fhaca mi Lannes aig Ratasbon
no MacGillFhinnein aig Allt Èire
no Gill-Ìosa aig Cùil Lodair,
ach chunnaic mi Sasannach san Èipheit.

Fear beag truagh le gruaidhean pluiceach
is glùinean a’ bleith a chèile,
aodann guireanach gun tlachd ann –
còmhdach an spioraid bu trèine.

Cha robh buaidh air ‘san taigh-òsta
’n àm nan dòrn a bhith gan dùnadh’,
ach leòmhann e ri uchd a’ chatha,
anns na frasan guineach mùgach.

Thàinig uair-san leis na sligean,
leis na spealgan-iarainn beàrnach,
anns an toit is anns an lasair,
ann an crith is maoim na h-àraich.

Thàinig fios dha san fhrois pheilear
e bhith gu spreigearra ’na dhiùlnach:
is b’ e sin e fhad ’s a mhair e,
ach cha b’ fhada fhuair e dh’ùine.

Chùm e ghunnachan ris na tancan,
a ’ bocail le sgreuch shracaidh stàirnich
gus an d’ fhuair e fhèin mun stamaig
an deannal ud a chuir ri làr e,
beul sìos an gainmhich ’s an greabhal,
gun diog o ghuth caol grànda.

Cha do chuireadh crois no meadal
ri uchd no ainm no g’ a chàirdean:
cha robh a bheag dhe fhòirne maireann,
’s nan robh cha bhiodh am facal làidir;
’s co-dhiù, ma sheasas ursann-chatha,
leagar mòran air a shàillibh
gun dùil ri cliù, nach iarr am meadal
no cop sam bith à beul na h-àraich.

Chunnaic mi gaisgeach mòr à Sasainn,
fearachan bochd nach laigheadh sùil air;
cha b’ Alasdair à Gleanna Garadh –
is thug e gal beag air mo shùilean.

Heroes
Translator: Sorley MacLean

I did not see Lannes at Ratisbon
nor MacLennan at Auldearn
nor Gillies MacBain at Culloden,
but I saw an Englishman in Egypt.

A poor little chap with chubby cheeks
and knees grinding each other,
pimply unattractive face –
garment of the bravest spirit.

He was not a hit ‘in the pub
in the time of the fists being closed,’
but a lion against the breast of battle,
in the morose wounding showers.

His hour came with the shells,
with the notched iron splinters,
in the smoke and flame,
in the shaking and terror of the battlefield.

Word came to him in the bullet shower
that he should be a hero briskly,
and he was that while he lasted,
but it wasn’t much time he got.

He kept his guns to the tanks,
bucking with tearing crashing screech,
until he himself got, about the stomach,
that biff that put him to the ground,
mouth down in sand and gravel,
without a chirp from his ugly high-pitched voice.

No cross or medal was put to his
chest or to his name or to his family;
there were not many of his troop alive,
and if there were their word would not be strong.
And at any rate, if a battle post stands,
many are knocked down because of him,
not expecting fame, not wanting a medal
or any froth from the mouth of the field of slaughter.

I saw a great warrior of England,
a poor manikin on whom no eye would rest;
no Alasdair of Glen Garry;
and he took a little weeping to my eyes.

1 0 0 View Post & Replies See Original