Hodiaŭ mi unuafoje sonĝis pri Aliso Seleznovo. Amuze! Lastfoje mi legis pri ŝi en 2019. Ĉiuokaze, mi ne kontraŭus daŭrigon 🤭
lang_eo
@tennoseremel Mi ĵus rimarkis, ke mi ankaŭ maltrafis litotagon ĉi-jare! 
Freŝdate mi ekvolis fari patkukojn. Kaj do mi faris patkukojn! 
Ekzistas diversaj specoj de patkukoj, tradicie farataj en diversaj landoj. Ĉi-foje mi sekvis hazarde trovitan francan recepton por la maldika franca speco de patkukoj (tie nomata crêpes). 
La recepto estas tre simpla, kaj la teĥniko ne estas tre malfacila… sed la tempo! La tempo! Mi facile forgesis, ĉar mi ne faras ilin ofte, ke oni pasigas horojn starante apud la kuirilo, verŝante paston, kaj fritante, unu post unu, la patkukojn. 
Dankinde, ili tre bongustis! Mi servis kun kirlita kremo, framboj, mirteloj, kaj dolĉa kroata siropo, kiun mi ricevis donace, kaj kies enhavo estas por mi mistero, ĉar mi ne parolas la kroatan. 
#lang_eo #kuirado #kuirarto #manĝaĵoj #patkukoj #vivo
Mi priprogramas AktivVortaron (ActivityVocabulary), kaj vidas la vorton »vortaron« tiom multe, refoje kaj refoje… ne plu aspektas kiel vorto al mia cerbo.
vortaro, vortaro, vortaro, vortaro…
Intervorto — 🗓️ 35, 5 literoj
⏩🟥🟥4️⃣✅1️⃣2️⃣5️⃣🟩⏪
🏆🏆🏆🏆 8 divenoj
#lang_eo #esperanto #vortludoj https://haleyhalcyon.gitlab.io/intervorto/
⏩🟥🟥4️⃣✅1️⃣2️⃣5️⃣🟩⏪
🏆🏆🏆🏆 8 divenoj
#lang_eo #esperanto #vortludoj https://haleyhalcyon.gitlab.io/intervorto/
Venonta EO-staĝo jam alvenantas!
Nia aŭtumna staĝo okazos ĉi-jare dum la semajnfino de la 9-an ĝis la 11-an de novembro en Arrout, eta vilaĝo en la sud-Franca montaro.
En la programo: kursoj por komencantoj kaj progresantoj, promenadoj, moviĝantaj debatoj, ligno-kulero-kreado, inter-regiona trinko-manĝo-nokto...
Veni renkontiĝi la tuluzanojn kaj praktiki la lingvon, malkovrante la bela naturo de la Pireneo-montaro!
Ĉu vi scias, kiel oni nomas vespermanĝon inter samideanoj? 
:gutkato_manĝilaro:
Vesperanto! 
Edited 166d ago
Mi estis malsana dum la pasintaj du semajnoj, sed ŝajnas, ke mia farto jam pliboniĝas. Nur tusadon mi ankoraŭ ne povas seniĝi; dum la tago ĝi trankviliĝas, sed dum la nokto ĝi ankoraŭ tre ĝenas min. Nu, espereble ĝi baldaŭ foriros. 
Nu, mi komencis subtekstigi la kinofilmon »Perditoj« (1956, Ĉeĥoslovakujo). Progreso estas malrapida kaj tradukado estas malfacila, ĉar multaj diraĵoj havas tre belan formon, kaj ofte ne klaras, kiel plej bone transpreni tiun belecon en Esperanton. Sed la pripensado fojfoje estas amuza kaj agrable defia.
Lastanokte mi ankaŭ dormis sen interrompoj pro tuso. Espereble tio baldaŭ reordinariĝos.
#lang_eo #Esperanto #filmoj #kinofilmoj #subtekstoj #tradukado #tradukoj #vivo
Edited 281d ago
Pulvosuĉado datumbaza sukcesita! postgres rimarkeble plirapide respondas petojn, nun; kia afabla datumbazo! Mi esperas, ke Mansardo Jamada 
iom plirapidos, ol freŝe, kaj ke tio daŭros bone. :kato_sur_polvosuĉilo:
Ĉiuokaze, mi ideas manieron densigi/rapidigi la datumbazon eĉ plu. Estos ĉirkaŭpaŝo amuza kaj sagaca, miaopinie. Mi prilaboros tion alitage, sed farinte ĝin, mi nepre fanfaronos priskribos la ĉirkaŭpaŝon!
Ankaŭ ideas manieron pliprecizigi tekstserĉadon; sed tio ankaŭ estas por alia tago. Tiom da planoj! 
Ve, retserĉado estas tute fuŝita jam, ĉu ne?
Antaŭ iuj jaroj — eble eĉ du! — oni povis serĉi pli-malpli ajnan hazardan frazon, kaj tuj trovis aliulon dirantan la tutsaman aferon!
Nun? Vi devus tre bonŝanci, trovi rezulton kun eĉ tri vortoj el via serĉomendo, kaj tamen la senco/esprimo de tiu rezulto neniel akordus vian mendon!
Verŝajne, la nova serĉilo estas aliaj homoj! Espereble, viaj amikoj fidindas! 
Verŝajne mi fakte sukcesis, igi la servilon esperanta anstataŭ pola 
! Mi scivolas, ĉu forigo de »(ĉu?)« el la servilonomo fuŝos tion kaj repoligos nin. 
#lang_eo #federujo #jam_xwx_moe #fediverse_observer
Edited 264d ago
Mi alŝutis la subtekstojn por la naŭa seriero de Simuno. Subtekstigado estas amuza *afero* 🤭
Nu, mi finfine aŭskultis la muzikan albumon Verdstelaro de @autumn_64. Jen eta recenzo do. :gutkato_kapaŭskultiloj:
La albumo estas malgranda; ĝi konsistas el ses pecoj. Tri estas originalaj kantoj, du estas senvoĉaj versioj de iuj el tiuj kantoj, kaj la lasta estas (ankaŭ senvoĉa) kovro de alia kanto, kiu venas de televida seriaĵo, se mi bone komprenis. 
Muzike, ĝi ŝajnas bone farita al mi. La speco de muziko domaĝe ne tre plaĉas (nek tre malplaĉas) al mi, kaj do mi ne povas bone taksi ĝin. La kantoj ne havas multajn tavolojn; la aŭtoro ludas melodion per kelkaj muzikiloj kaj eble kantas dume. Se mi ĝuste aŭdis, unu kanto uzas ĉefe pianon, du uzas ĉefe gitarojn, kaj la kovra uzas (tre tre belsone) ĉinajn muzikilojn. Ili kunfunkcias kaj sonas bone. 
Du el la kantoj estas emociaj, kaj esprimas amon kaj sopiron je iu persono; la tria estas gaja kaj festa, kaj mi trovis ĝin agrable amuza. Por mi la tekstoj eble estas iom tro nerimaj, kaj foje impresas iom malflue, sed ili bone akordas la muzikon. Arte, plej plaĉas al mi la teksto de »En ĉia kor’«, ĉar ĝi esprimas ideojn malpli rekte, sed ne tro konfuze. 
Lingve, bedaŭrinde, ĝi havas kelkajn misojn: plej grave gramatikan eraron kaj kelkajn malfaciligajn trovortojn. Tial mi ne opinias ĝin bona senpripensa lingvo-spertilo por lernantoj. Alizorge, la aŭtoro fojfoje elparolas vokalon tiom mallonge, ke ne klaras al mi, ĉu ŝi nur mallongigis la silabon, aŭ tute forgesis meti ĝin, sed dankinde la muziko ne vere diktas silabo-kvanton. Krome, ĉio ŝajnas en ordo. 
Tre grave, la albumo eldoniĝis sub libera permesilo (CC BY 4.0); vi do povas libere aŭskulti kaj kunhavigi ĝin, kaj ankaŭ krei derivitajn verkojn. Tio estas socie laŭdinda afero, kaj ni esperu havi pli kaj pli da tiaj artaĵoj!
Resume, se vi hezitas, vi provu! Ni esperu, ke Moniko eĉ pli riĉigos sian diverslertan esprimadon kaj alĝustigos sian reklamadon en sia venonta kanto »Ĝia nomo estas Federujo«.
#lang_eo #albumoj #arto #aŭskultado #Esperanto #muziko #recenzo #recenzoj
Edited 260d ago
Morgaŭ (sabate), ekde 15.00 laŭ UTC-horzono, oni ludos kune per interreto la liberan bitludon [SuperTuxKart]! Oni voĉbabilos dume, kaj ĉiu estas bonvena aliĝi. 
La bitludo temas pri konkurado de aŭtoj, kiujn stiras ĉarmaj personetoj, ofte bestoj (emblemuloj de diversaj liberaj programoj). Stirado estas facila, kaj vi povas ludi eĉ kiel komencanto (ĉu en la ludo, ĉu en Esperanto). Ni ne estas tre seriozaj ludantoj! 
Se vi dezirus nur ludi (kaj ne paroli) aŭ nur spekti (kaj ne ludi), ankaŭ tio eblas. Vi devos nur instali la ludon kaj aliĝi al la babilejo. Se vi interesiĝas kaj havas konton ĉe Eventa servo, vi povas (ĉe la supre alligita evento) esprimi vian intereson, kio helpos la eventon videbliĝi. Ĝis morgaŭ! 
#lang_eo #bitludado #bitludoj #Esperanto #eventoj #kunludado #kunvenoj #ludado #ludoj #okazoj #STK #SuperTuxKart
— Estas pli facile por kamelo iri tra la trueton de kudrilo, ol por C-programisto eniri la regnon de Dio.
— Do kiu povas esti savita?
— Kiu skribas ŝelskripton anstataŭ C-programon, tiun Sankta IGNUcio savos.
#lang_eo #programado #unikso #gnu #linux #lignukso
— Do kiu povas esti savita?
— Kiu skribas ŝelskripton anstataŭ C-programon, tiun Sankta IGNUcio savos.
#lang_eo #programado #unikso #gnu #linux #lignukso
Edited 259d ago
gpg> edituidNevalida komando (provu per "helpo")gpg> helpoNevalida komando (provu per "helpo")gpg> helpquit forlasi ĉi tiun menuonsave skribi kaj finihelp montri ĉi tiun helpon
