lorca

16d

In Gránada, in Gránada,
They dumbed the mou o a makar,
In Gránada, in Gránada,
They strak doun Garcia Lorca…

—“In Gránada, in Gránada (Llanto por Federico Garcia Lorca)”, by Syndey Goodsir Smith (1915–1975) – a major figure in the 20th-century Scottish renaissance, born #OTD, 26 Oct

1/4

https://asls.org.uk/publications/books/volumes/a-kist-o-skinlan-things/

#Scottish #literature #poem #poetry #Scots #Scotslanguage #20thcentury #Lorca

Sydney Goodsir Smith
In Gránada, in Gránada
(Llanto por Federico Garcia Lorca)

In Gránada, in Gránada,
They dumbed the mou o a makar,
In Gránada, in Gránada,
They strak doun Garcia Lorca.

Ye bard o the tinks, o gipsy Spain,
Frae Gránada, frae Gránada,
Aa the gangrel folk that scorn chains—
O wae for Garcia Lorca!

At dawin fornent a sunwhite waa
In Gránada, in Gránada,
The rifles reik, O see him faa,
Daith rins at the tyrant’s order.

But they sall pey for that fell deed,
In Gránada, in Gránada,
Franco and his men o bluid,
Their fingers reid wi murder.

Mair nor juist ane enemie
Was kill yon morn in Gránada,
For daith is neer a bundarie
Til the voice o a folk was Lorca.

Ay, he was Spain, anither Burns,
In Gránada, in Gránada,
O wae for thae when the tide turns
That strak doun Garcia Lorca!

And wae for thae in ilka land,
Or Galloway or Gránada,
That thirl the libertie o man
For bards nor daith are stranger.

And aye their leid is Freedom,
In Galloway or Gránada,
Ay, greit for the tinkler’s martyrdom
And the white dumb mou o a makar.

Ay, greit for Lorca, bard o the waifs,
Saw birth and daith in Gránada,
Wae for the sang was stanched yon day
While the sand ran reid wi clangor.

But sing o the victorie was gained,
In Gránada, in Gránada ———!
For aye your bluid sall dirl throu Spain,
Federico Garcia Lorca!

ALT

1 0 0 View Post & Replies See Original