kristnasko

Hodiaŭ mi helpis familianon pri kristnaskaj donacoj. Mi eĉ sukcesis sendi foton de telefono al surtablo per Bludento! Ne estis facilege trovi la bonan procedon, sed sufiĉis, ke mi persistu.

Krome, mi ankaŭ helpis samideanon testi ĝian Luanti-servilon. Ni ludis sur ĝi »Kaptu la flagon«. Ĉio funkciis, krom vundado. Tio estis iometa problemo, ĉar neniu povis malhelpi sian malamikon kapti la flagon… krom per reciproka preno de flago. Post tiu oni devis nur atendi, ĝis tempo de la unua flagopreno elĉerpiĝos, kaj kapti la flagon. Tio ne estis tre okazoplena ludo; espereble ĝi ripariĝos.

#lang_eo #bitludoj #Kristnasko #Luanti #taglibro #vivo

Hodiaŭ mi finis mian ĉi-jaran liston de Kristnaskaj donacoj. En mia familio estas kutimo interŝanĝi donacojn je Kristnasko, sed ofte estas malfacile idei donacon por aliulo. Tial mi listigas aĵojn, kiuj plaĉus al mi, por faciligi la taskon al miaj familianoj. Grandan parton de la listo konsistigas manĝaĵoj kaj trinkaĵoj; ili estas nemultekostaj, facile akireblaj, kaj tre utilaj! Mi provas skribi la liston almenaŭ iom amuze, por agrabligi legadon.

Mi verŝajne promenados urbe morgaŭ kelkatempe, do eble mi ankaŭ iom butikumos je donacoj. Pri iuj personoj mi jam scias, kio plaĉus al ili, sed pri aliaj estas malfacile diveni. Sed restas ankoraŭ multaj tagoj, do mi ne bezonas tre rapidi.

#lang_eo #donacoj #Kristnasko #taglibro #vivo

Hodiaŭ mi faris salaton, kunumis vizitantojn, kunumis samideanojn en ĉiusemajna renkontiĝo, kaj helpis ornami kristnaskan arbon. Kaj ankoraŭ restas iom da laboro! Mi lasus ĝin al morgaŭ, sed mi povas fari ĝin hodiaŭ, do mi rapide faros tion kaj dormos.

#lang_eo #Kristnasko #taglibro #vivo

Feliĉan Kristnaskon! :gutkato_ruĝa:

Jen kelkaj bongustaj kuketoj, kiujn mi povis gustumi ĉi-foje.

#lang_eo #bondeziroj #Kristnasko