greekmythology

31d

Ye think thon wes the end?
Yon meetin in the wuids
When Thracian Orpheus heard the drum, the cries,
The whud o the bacchantes’ thrangan feet…

—“Orpheus”, by Tom Scott (1918–1995), born #OTD, 6 June
Published in A KIST O SKINKLAN THINGS

1/3

https://asls.org.uk/publications/books/volumes/a-kist-o-skinlan-things/

#Scottish #literature #poem #poetry #Scots #Scotslanguage #20thcentury #Mythology #GreekMythology

Tom Scott
Orpheus

Ye think thon wes the end?
Yon meetin in the wuids
When Thracian Orpheus heard the drum, the cries,
The whud o the bacchantes’ thrangan feet
And, seik in saul,
Mad to be jyned for aye to his Eurydikee,
Strung his harp
And gaed to meet them wi a sang.
Ye think thon wes the end?

Na. Eftir the thrang breeled on, red
Fingert, bluidie-mawed, the riven limbs
Quiveran aye amang the mairtyred gress,
There wes a lull
And throu it syne a roun
And syne as muckle’s a moan
And syne a voice,
Yon voice o his
That quietit the forest and its fowk,
That reconcilit lion and lamb,
Ordert the rain,
Spoke frae the grund
And threept in the greitan tree
‘Euridikee! Euridikee!’

And at the name
A ferlie thing wes duin.
Thir broken bits o bodie, bits o bane,
Brisket, gash, airm and droukit hair
Cam thegither as gin some will
Mair nor the merely real
Had wrocht on them.
And on yon slauchtert grund was formed
Orpheus anew,
Orpheus the singer, Orpheus the makar,
Orpheus cleansed o the auld despair.
And by the halie tree
In the leaman licht o the wuid,
Squired by a houlet, a hawk and a doo,
Wes his Euridikee.

They say he made a new sang,
A nobler nor the auld,
And sings it aye in the great haa o the warld.

They say it will nevir end.

1 0 0 View Post & Replies See Original

28d

Reading #PercyJackson the way the gods intended.

#Nintendo #nintendo3ds #GreekGods #GreekMythology #ReadingCommunity #MastoDaoine #Fantasy #MiddleGrade @bookstodon @bookstodon@a.gup.pe

Percy Jackson book title screen on a white Nintendo 3DS.

Edited 28d ago

1 0 0 View Post & Replies See Original