federujo

Pulvosuĉado datumbaza sukcesita! postgres rimarkeble plirapide respondas petojn, nun; kia afabla datumbazo! Mi esperas, ke Mansardo Jamada iom plirapidos, ol freŝe, kaj ke tio daŭros bone. :kato_sur_polvosuĉilo:

Ĉiuokaze, mi ideas manieron densigi/rapidigi la datumbazon eĉ plu. Estos ĉirkaŭpaŝo amuza kaj sagaca, miaopinie. Mi prilaboros tion alitage, sed farinte ĝin, mi nepre fanfaronos priskribos la ĉirkaŭpaŝon!

Ankaŭ ideas manieron pliprecizigi tekstserĉadon; sed tio ankaŭ estas por alia tago. Tiom da planoj!

#lang_eo #jam_xwx_moe #federujo

Verŝajne mi fakte sukcesis, igi la servilon esperanta anstataŭ pola ! Mi scivolas, ĉu forigo de »(ĉu?)« el la servilonomo fuŝos tion kaj repoligos nin.

#lang_eo #federujo #jam_xwx_moe #fediverse_observer

Saluton al ĉiuj!

Mi kundividas projekteton por tiu Zamenhofa Tago: priskribajn grafikaĵojn ĉe Federujo. Mi publikigos ĉiutage unu grafikaĵon ekde hodiaŭ ĝis zTago, la dek’kvina de decembro.

Jen Tas! Simpla grafikaĵo de ronda ampuleto kun nigraj okuloj. La unua vinjeto nomiĝas: Tas kreita.

Esperanto estas simpla, utila kaj bela. Ĝuu ĝin!

#TasAmpuleto #RetAlirebleco #Esperanto #Federujo #zTago #ZamenhofaTago #Inkscape

Saluton denove!

Mi kreis du aferojn pli rilate al TasAmpuleto kaj al Zamenhofa Tago: retpaĝon kaj broŝuron por presi kaj faldi.

Tiu vespero mi kundividis la broŝureton fizike ĉe la Ateneo dum ni festis zTagon kaj nun mi kundividas retpaĝon virtuale ĉe Federujo.

(Ankaŭ mi kunportis kombuĉon kaj kokos’kuketojn ambaŭ faritajn de mi).

Kun vi ĉiuj, kaj dankon al la servilo de Anartist, jen retpaĝo kaj broŝuro:

https://tas.komunikilo.org

#TasAmpuleto #RetAlirebleco #Esperanto #Federujo #zTago #ZamenhofaTago #Inkscape #Anartist #Komunikilo

Fojfoje mi vidas en Federujo esperantiston, kiu petas lingvajn korektojn en sia prio, sed malofte vidas ĝin misuzi la lingvon tiel, ke korekto estus necesa.

Alifoje mi vidas en Federujo esperantiston, kiu elbuŝigas (elfingrigas) esprimon tiom abomenan, ke mi sentas devon korekti ĝin, sed mi ne faras, ĉar ĝi ne petis korektojn en sia prio, kaj nepetitaj korektoj povas impresi malĝentile.

Samideanoj, lingvo estas granda donaco; bonvolu trakti ĝin zorge kaj respondece.

#lang_eo #Esperanto #gramatiko #Federujo #vivo #vortoj

Dankon, Federuja Spuranto! Retpoŝtmesaĝo de vi sciigis min, ke jam.xwx.moe estis nealirebla, dum mi estis FDK. Mi tial povis rapide iri komputilen kaj ĝustigi! Tre afable de vi. #lang_eo #federujo #jam_xwx_moe #fediverse_observer